میرا میانوالی ۔۔۔۔۔۔۔۔۔۔۔۔۔۔۔۔۔۔۔۔
یکم سے چھ محرم تک مجالس عزا دن میں منعقد ہوتی تھیں۔ 7 سے 9 محرم تک شام کے بعد ۔۔۔۔ ان آخری دنوں میں پانی کی بندش ، سادات کے مصائب، شہزادہ قاسم ، شہزادہ علی اکبر ، معصوم شہزادہ علی اصغر اور غازی عباس علمدار کی شہادتوں کا بیان ہوتا تھا۔ سانحہ کربلا کے یہ آخری دن درد و الم سے لبریز تھے۔ ان کے ذکر پر لوگ زاروقطار روتے تھے۔ آل محمد صلی اللہ علیہ و علی آلہ وسلم کی ہر شہادت بے مثال تھی۔ اصغر معصوم سے لے کر امام عالی مقام تک خانوادہ رسالت کے ہر فرد نے اپنے خون سے تاریخ کا ایک ایک باب رقم کر دیا۔
10 محرم کو ظہر کے وقت امام عالی مقام کی شہادت کا بیان عشرہ ماہ محرم کا اختتامی بیان ہوتا تھا۔ سامعین آہوں اور اشکوں کی برسات میں عشرہ محرم کو الوداع کہتے تھے۔
۔۔۔۔۔۔۔۔۔۔۔۔۔۔۔۔۔۔۔۔۔ رہے نام اللہ کا ۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔ منور علی ملک ۔۔۔۔۔۔
3/جولائی 2025ء
مصنف کی اجازت سے اُن کی فیس بک وال سے منقول
