میرا میانوالی ۔۔۔۔۔۔۔۔۔۔۔۔۔۔۔۔۔۔۔۔۔۔
رب کریم نے بڑے گناہوں سےتومحفوظ رکھا البتہ چھوٹے موٹے گناہ ہم سے بھی سرزد ہوتے رہے۔ ان میں ایک گناہ بٹیر بازی تھا۔ داؤدخیل کے اکثر لوگ اس شوق میں مبتلا تھے۔۔بزرگوں میں غلام مصطفی خان خانے خیل، ماسٹر دراز خان ، ہمارے کزن محمد عظیم ہاشمی اور ہدایت اللہ سنار داؤدخیل کے سینئیر بٹیر باز تھے ۔ چاچا گھیبہ سنار کی دکان ان بٹیر بازوں کی بیٹھک تھی جہاں بیٹھ کر وہ دن بھر اپنے اپنے بٹیروں کے فضائل بیان کرتے رہتے تھے۔
ہر اتوار کو نہر کے کنارےبٹیروں کا ون ڈے میچ ہوتا تھا جس میں ماڑی انڈس ،موچھ اور پائی خیل کے سینیئر بٹیر باز بھی شریک ہوتے تھے۔ بٹیروں کی لڑائی پر سینکڑوں روپے کی بازیاں لگتی تھیں۔ہم بچہ لوگ بازیاں تو نہیں لگا سکتے تھے ، صرف شوق پورا کرنے کے لیے بٹیر لڑا کر دل بہلا لیتے تھے۔بدلتے وقت کے ساتھ وہ کلچرہی ختم ہو گیا۔
۔۔۔۔۔۔۔۔۔۔۔۔۔۔۔۔۔۔۔۔ رہے نام اللہ کا ۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔ منور علی ملک ۔۔۔۔۔۔
10/جولائی2025ء
مصنف کی اجازت سے اُن کی فیس بک وال سے منقول
