میرا میانوالی ۔۔۔۔۔۔۔۔۔۔۔۔۔۔۔۔۔۔۔۔۔
محرم میں نیاز کا اہتمام ہر گھر میں ہوتا تھا۔ اہل تشیع ، اہل سنت ، سب لوگ حسب توفیق نیاز کا اہتمام کرتے تھے ۔
ہمارے علاقے میں گڑ والے چاول نیاز کا مخصوص مینیو ہوا کرتا تھا۔ یہ نہایت لذیذ خوراک صرف محرم ہی میں بنتی تھی۔
چاول گھروں میں بھیجنے کا رواج نہ تھا۔ کہتے تھے یہ نیاز کی توہین ہوگی۔ جس کو نیاز کھانی ہے ادھر ہی آکر جتنا جی چاہے کھا لے۔
ڈھیر امید علی شاہ کے سردار سادات نیاز میں بڑی مقدار میں خالص دیسی گھی اور گڑ کا دودھی والا حلوہ بنواتے تھے۔۔ ایک دو دفعہ یہ حلوہ کھانے کا اتفاق ہوا، بہت لذیذ چیز ہوتا تھا۔
نیاز کو امام عالی مقام کا لنگر کہا جاتا تھا اس لیے نیاز کھانا سعادت سمجھا جاتا تھا ۔
۔۔۔۔۔۔۔۔۔۔۔۔۔۔۔۔۔۔۔۔۔ رہے نام اللہ کا ۔۔۔۔۔۔۔۔۔۔۔۔۔۔۔۔۔۔۔۔۔۔
۔۔۔۔۔۔ منور علی ملک ۔۔۔۔۔۔
2/جولائی 2025ء
مصنف کی اجازت سے اُن کی فیس بک وال سے منقول
